For fyrste gong syng Lundeng eigne tekstar, og opner slik for nok ei side ved sitt kunstnarskap. Musikken er nedtona, melankolsk, sår og stormfull – det finst ein harmonisk villskap i Lundeng som får publikum til å skjerpa sansane og leva seg djupt inn i den vakre toneverda hennar.
Møt festivalmusikarar i intervju med Audun Vinger.
Vandringa går frå Vangskyrkja via Finnesloftet til Mølstertunet.
Undervegs vert det passeleg store påfyll med godbitar frå den lokale kulturhistoria. På Finnesloftet vert det omvising og konsert med Sudan Dudan, på Mølstertunet vert det omvising og kort foredrag om bryggetradisjonar - og smaksprøvar.
Paraden går frå Torget, og i front finn du Paradebandet, Voss Skulemusikk, drilljentene og Badnajazzkoret.
Marit O. Kaldhol er festivalforfattar under Falturiltu 2019, men kjem først innom Vossa Jazz for å dele eit knippe av sine sterke og poetiske forteljingar med liten og stor.
Norsk folkemusikk og visekunst ispedd americana og ei teskei salmesong – uttrykt i ei skjør og vakker akustisk toneverd med gitar, munnharpe, langeleik, hardingfele, harmonium og tostemt vokal.
Erlend Apneseth Trio kjem til Vossa Jazz for å feire slepp av ny plate! Og på dette prosjektet har dei utvida besetninga med akkordeonisten Frode Haltli.
Saman med elevar frå Voss Kulturskule, Voss Skulemusikk og eit knippe heilproffe musikarar inviterer Karl Seglem til ei open og leikande utforsking av sitt særeigne og spanande klangunivers.
«Bedehus og Hawaii» vart til då den kritikarroste gitaristen og komponisten Trond Kallevåg Hansen fekk i oppdrag å laga bestillingsverk til Sildajazz 2018.
Etter eit utal utselde konsertar rundt i Europa, kjem endeleg den tyske pianisten og komponisten Martin Kohlstedt til Vossa Jazz.
Ungdommeleg friskheit og rytmisk driv er det publikum kan venta seg når jazzungdom frå aust og vest møtast på Voss.
Med prosjektet STILLHOUSE tar Steinar Raknes med seg jazzbakgrunnen sin inn i americana-sjangeren, der blues, country og roots er hovudingrediensane.
«Roma møter Hardanger» - med Nina Pedersen sine komposisjonar, arrangert av Jens Wendelboe og framført saman med fantastiske Hardanger Big Band og italienske solistar.
Med ein fot i Nidelven og ein i den amerikanske «cool jazz’en», har saksofonist John Pål Inderberg funne ein unik plass i jazzverda.
Spacemusic Ensemble består av ei rekkje fremadstormande musikarar frå band som Rohey og Megalodon Collective. På Vossa Jazz skal dei framføra det nye verket Spacemusic 2, som kombinerer akustisk og elektronisk lyd med tekst og stemme, og viser korleis improvisasjon og komposisjon kan berike kvarandre og gje plass til individuelle stemmer i musikken.
Hedvig Mollestad skriv det 38. Tingingsverket til Vossa Jazz!
Akkordeonvirtuosen Frode Haltli har samla ei rekkje framifrå solistar frå ulike generasjonar og sjangrar i den norske musikkverda for ei utforsking av grenselandet mellom folkemusikk, jazz og samtidsmusikk.
Den danske gitaristen har befesta sin posisjon innan toppsjiktet i jazzverda med lyrisk, underfundig spel og innovative, drøymande komposisjonar,
Me er svært stolte over å presentera sjølvaste AURORA til Vossa Jazz 2019!
Trompetist, komponist og bandleiar Mathias Eick har vore blant verdas største jazztalent sidan tidleg 2000-tal, og sjølvsagt òg ein Vossa Jazz-favoritt!
LASSEN er ein leiken, energisk gjeng med mykje særpreg som treff jazzhjartar med vidunderleg, melodisk fokusert jazz og glimt i auga.
Remiks av Tingingsverket til Hedvig Mollestad.
I over to tiår har Real Ones imponert, fengja og overbevist på konsertscener og platespelarar i Noreg og internasjonalt.
Gourmet er ein sprelsk, leiken og mangslungen musikalsk-kulinarisk oppleving utanom det vanlege!
