Vossa Jazz – 8. – 10. april 2022

Vossa Jazz 2021

Signe Emmeluth med ny bestilling til Vossa Jazz

Saman med eit stjernelag av unge, framifrå musikarar har Emmeluth laga eit verk der kraftfulle og tydelege stemmer vert vikla saman.

Velkomen til Vossa Jazz 2022!

Springande frå noko, eller til noko, mot nord eller sør, aust eller vest i ein rastlaus kamp for tilværet.

Elisabeth Lid Trøen med bestillingsverk til Vossa Jazz!

«New Paintings of Jazz» er saksofonist og komponist Elisabeth Lid Trøen sitt fyrste bestillingsverk!

Jolajazz avlyst

For andre året må me dessverre avlysa Jolajazz grunna Covid-19-restriksjonar.

Få nyheitsbrev

#VOSSAJAZZ

offisiell emneknagg på sosiale media

Plakat 2021

Lytt på spotify

#Vossajazz

Jeppe Zeeberg er ein av Danmarks mest originale og ubereknelege musikarar. Den prisvinnande pianisten og komponisten er aktiv i eit utal konstellasjonar, og har vorte prisa av musikkritikarar for sin originale og overbevisande utgåve av moderne jazz, som er ispedd gode dosar inspirasjon frå andre kontemporære sjangrar.

Kvartetten The Absolute Pinnacle of Human Achievement er spesiallaga for framføring av Zeeberg sitt personlege og djupt eklektiske repertoar, som omfattar alt frå ragtime til fri impro og metal! Gruppa består av eit knippe av Københavns mest originale og etterspurde musikarar, og konserten vert delvis basert på Zeebergs siste plate The Full Experience.

#vossajazz2022 @jeppe.zeeberg @thehenrikolsson - Casper Nyvang Rask - Søren Høi

Far Tore og dotter Siv med splitter nytt prosjekt! Saman med to av sine absolutte yndlingsmusikarar – Nikolai Hængsle og Bugge Wesseltoft – framfører dei ny, spesialskriven musikk bygd på eit fundament av venskap, slektskap og samspel.

Gamlekinoen sundag 10. april!

#vossajazz2022 @torefurore #sivøyunnkjenstad @oyunn @buggewesseltoft @nikolaihaengsle 📷 @jegervinteren

I over 20 år har Cloroform bobla over av progressiv, kontroversiell og utfordrande musikk som ikkje let seg fange av sjangerkategoriar. Med røter i jazz og med eit ynskje om å eksperimentera utover i eit elektronisk, punkete rockelandskap, let Cloroform som ingen andre band. Kontrabass, trommer og clavinet med full turbo og eit skyhøgt energinivå. Cloroform er like brennheite som dei var ved debuten i 1998. På med styrthjelmen for ein musikalsk berg- og dalbanetur!

#vossajazz2022 @cloroform.band @kaada_ @oyvindstoresund @bofjord 📷 @arne_bru

Terje Torkildsen er festivalforfattar på årets Falturiltu på Stord. Han er kanskje mest kjent som drosjesjåføren i kultfilmen Mongoland og for eit titals populære ungdomsbøker på nynorsk, m.a. Dystopia-serien og Stavanger Stories I - III. No kjem han til Badnajazz!

#vossajazz2022 #badnajazz @falturiltu #falturiltu 📷 @storfotograf

Fiolinist Inger Hannisdal og det strålande ensemblet hennar dyrkar det skakke og det undrande, det som ligg mellom og utanfor etablerte rammer. Med fokus på mikrotonalitet og kjærleik for asymmetriske rytmar, lagar dei musikk som både er overraskande songbar og full av lengt og vakre melodiar. Inspirert av både arabisk maqam og norsk folkemusikk, presenterer dei eit originalt, gjennomført og tankevekkande musikalsk språk.

#vossajazz2022 @ingerhannisdal @adrian_myhr @laaouamkhalid @antalova_music @hanskjorstad

Terje Isungset skulle eigentleg feira 20 år med is-musikk på Vossa Jazz 2020. Pandemien sette ein stoppar for det, men no får me heller feira 22-årsjubileum! Dette vert ei eineståande konsertoppleving, der Isungset tek med seg eit knippe fantastiske artistar som sjølv har erfaring og bakgrunn frå arktiske forhold.⠀
⠀
Inuitt, samiske og sibirske songarar møter nokre av dei beste jazzmusikarane i Skandinavia og dei banebrytande stemningsfulle is-instrumenta til Isungset. Saman feirar dei vinteren, isen, snøen og naturen gjennom tradisjonelle tonar og samtidsmusikk. Dei inviterer publikum med inn i isen si verd, der gåsehudskapande tonar kretsar rundt isen og dei menneska som har levd i kulde gjennom generasjonar.⠀
⠀
#vossajazz2022 @terjeisungset #terjeisungset

Ny bestilling til Vossa Jazz!⠀
Saman med eit stjernelag av unge, framifrå musikarar har Signe Emmeluth laga eit verk der kraftfulle og tydelege stemmer vert vikla saman. Verket har fått tittelen Banshee og vert framført i Gamlekinoen fredag 8. april kl. 20.00⠀
⠀
#vossajazz2022 @signeemmeluth 📷 Arild Schei

Når Andreas Røysum samlar sine beste vener og favorittmusikarar vert fascinasjonen hans for tradisjonsmusikk frå Asia og Afrika blanda med elden og språket frå den ekspressive jazzen og den moderne vestlege noterte musikken sin utstrekte formsans. Men heldigvis er dette alt anna enn ein tannlaus pastisj av hippe referansar, men snarare ei verdsetting og forståing av dei organiske elementa i musikken.⠀
Andreas Røysum Ensemble!⠀
⠀
#vossajazz2022 #andreasrøysumensemble @signeemmeluth @marthelea @hanspkjorstad @henriatian @oyvindbraekke - Erik Kimestad Pedersen - Joel Ring - John Andrew Wilhite - Christian Meaas Svendsen - Ivar Myrset Aasheim - Andras Wildhagen

Opningskonsert Vossa Jazz 2022: Siwan! – ei musikalsk eventyrreise, med ein rik, historisk bakgrunn og nokre grunnverdiar som vert spegla i komposisjonar og musisering: Samarbeid, toleranse og sameksistens. Siwan er eit internasjonalt musikalsk prosjekt, som vart starta av komponist og jazzmusikar Jon Balke. Les gjerne meir på heimesida vår.⠀
⠀
Fredag 8. april kl. 18.00 i Vossasalen på Park!⠀
⠀
#vossajazz2022 #jonbalke @barokksolistene @bjarteeike @helgeandreasnorbakken @deryaturkan @pedramkhavarzamini

Det er ei stor glede å melde at vår eigen Sveinung Iversen har laga årets plakat. Iversen er kunstnaren som står bak alle logoane til Vossa Jazz og han har laga mykje fin Vossa Jazz-kunst tidlegare.

Festivalplakaten 2022, som er teke frå eit bilete laga til festivalutstillinga, skildrar kunstnaren slik: «Springande frå noko, eller til noko, mot nord eller sør, aust eller vest i ein rastlaus kamp for tilværet.»

#vossajazz2022 #sveinungiversen

Då er det siste innspurt og du kan enno nå å kjøpa festivalpass til Vossa Jazz 2022 til førjolspris! 1800 kr (ord 2250). Me har kanonspris på festivalpass til ungdom t.o.m. 25 år, 1000 kr! Og Badnajazz har eige festivalpass. Det er mykje å gleda seg til; me ynskjer alle gode Vossa Jazz-vener ei riktig god jol!⠀
⠀
#vossajazz2022

Elisabeth Lid Trøen med ny bestilling på Vossa Jazz! New Paintings of Jazz vert urframført av Trøen/Arnesen kvartett på festivalen.
⠀
#vossajazz2022 @troen_arnesen_quartet @elisabethlt @sigurdsteinkopf @olemarius #dagarnesen

Artboard-1@3x

vsb

VE_sent

Park

Hordaland_Logo

IHM_

sylvs

Norsk kulturråd – Vestland fylkeskommune – Voss herad