“Når Signe Emmeluth blåser i hornet, så lytter man”, skriv Audun Vinger i DN, medan Jazznytt kallar Emmeluth eit av dei mest interessante unge talenta i skandinavisk jazz i dag. Denne konserten er inkludert i billetten Huskort fredag.
Fjorårets vinnar av Vossajazzprisen har i år med seg ei blanding av jazz og 80-tals hard rock til festivalen. Verket “Død sjø” er inspirert av havet, av Røed sine opphald på hytta på Sotra, og av besteforeldra hans, som kjende det uendeleg løyndomsfulle djupet langt betre enn den bergenske saksofonisten sjølv gjer. Denne konserten er inkludert i billetten Huskort fredag.
Sollid spelar opp ei herleg, eklektisk blanding av soul, jazz, R&B, nu-disco og house. Denne konserten er inkludert i billetten Huskort fredag.
“Ryktet har gått ei god stund: i Bergen finnes det en norsk-brasiliansk vokalist med noe helt spesielt å melde.”, skriv Nettavisen om Gabriella Garrubo si debutplate, “Rodando. Denne konserten er inkludert i billetten Huskort fredag.
Med orgel og trøorgel spelar Sigbjørn Apeland seg inn i grenselandet mellom folkemusikk, kyrkjemusikk og improvisatorisk musikk. Det er så vakkert at det er til å gråta av, når dei vare tonane pakkar oss inn, og snik seg inn til det inste.
I følge jazzmagasinet Jazzenzo leverer Murray / Håker Flaten / Nilssen-Love “energisk musikk som går til det ekstreme”, med musikarar som “spelar som om dei vil setta fart på ein flokk elefantar”, medan salt peanuts* samanliknar trioen med ein blodtrimma racerbil, med full gass gjennom dei skarpaste svingane, og utanomjordisk teknisk presisjon. Denne konserten er inkludert i billetten Huskort fredag.
Det kjende og føreseielege skal utfordrast når Marius Neset kjem til Vossa Jazz med sin nye handplukka kvintett! Kjenneteikna av eventyrlyst, uventa rytmar og brå taktvendingar, pendlar dei frå lyriske balladar til rytmiske eksplosjonar – alt framført med kvass teknisk nøysemd og presisjon
Trøen/Arnesen Kvartett spelar oss inn i eit univers med vakre melodiar og livlege grooves, der idealet om den klassiske jazz-kvartetten står sterkt. Firkløveret famnar vidt, med eit alderspenn på tre generasjonar, og innflytelsar frå mellom anna Edvard Grieg og Keith Jarrett, til John Coltrane og Henderson. Denne konserten er inkludert i billetten Huskort fredag.
Det må jo bli medrivande når fem musikarar let seg foreina i kjærleiken sin til musikk som dette. Best Western Swing omtalar det sjølv som “western swing, hestejazz, bææ-bop og andre rurale uttrykk for jazzifisert dansemusikk frå dei amerikanske sørstatane”. Denne konserten er inkludert i billetten Huskort laurdag.
Innovasjon, energi og speleglede er stikkord når Jazzlinja på Griegakademiet i Bergen inviterer til konsert i foajeen i Gamlekinoen!
Som dei sjølv seier: Air Play er fellesskap, samspel, improvisasjon, klang og magi i melodi - i felles rytmikk og uttrykk. Det er berre å gle seg.
Improvisasjon, dans og kanskje besøk av sjølvaste Elvis? Dette er berre toppen av det musikalske isfjellet som Supergruppo og SuperLYDvo byr på under årets Superjazz!
