Lastar Hendingar

Marius Neset Quintet

fredag 22. mars

Kl 23:00

“Han er ikkje framtida av europeisk jazz, han er notida” – Downbeat.

Det kjende og føreseielege skal utfordrast når Marius Neset kjem til Vossa Jazz med sin nye handplukka kvintett! Kjenneteikna av eventyrlyst, uventa rytmar og brå taktvendingar, pendlar dei frå lyriske balladar til rytmiske eksplosjonar – alt framført med kvass teknisk nøysemd og presisjon.

Neset gjorde eit sterkt inntrykk då han først kom inn på den europeiske jazzscena for to tiår sidan, og har ikkje lege på latsida sidan den gong. Han har skrive heile tre orkesterverk for London Sinfonietta, mellom anna Geyser, som fekk si urframføring i Royal Albert Hall i 2022. I tillegg har han skrive verk for Bergen Filharmoniske, Bergen Big Band, DR Big Band, Trondheim Jazz Orchestra, KORK og Leif Ove Andsnes, for å nemna nokre. På toppen av det heile har han teke i mot to Spellemannprisar – så langt. 

Dei fire som ved sidan av Neset utgjer den turnerande kvintetten, er Magnus Hjort, på flygel, som har gjeve ut tre trioalbum, samarbeidd med Chris Potter, og turnert med Snorre Kirk. Elliot Galvin, på keyboard, har gjeve ut fire trioplater, og fekk soloalbumet sitt kåra til månadens album i The Guardian i 2020. James Maddren, på slagverk, og sist, men ikkje minst kjem Phil Donkin på bass. Verkeleg ikkje ein gjeng å gå glipp av!

Medverkande:

Marius Neset – saksofon

Magnus Hjorth – flygel

Elliot Galvin – keyboards

Phil Donkin – elbass

James Maddren – trommer

English:

“He’s not the future of European Jazz, he’s the present.” – Downbeat.

The known and the predictable will be challenged by Marius Neset’ new hand picked quintet! Characterized by adventurousness, unexpected rhythms and sudden switching of beats, they are bouncing from lyrical ballads to rhythmical explosions – performed with the utmost technical care and precision. 

Neset entered the European jazz scene with a flash two decades ago, and doesn’t seem to be dimming any time soon. The four musicians making up the quintet alongside Neset, are Magnus Hjort, James Maddren, Elliot Galvin and Phil Donkin, all bringing solid experience and musical curiosity to the sound of their quintet. You won’t want to regret not going!