Lastar Hendingar

Sigbjørn Apeland -solo

fredag 22. mars

Kl 21:30

Med orgel og trøorgel spelar Sigbjørn Apeland seg inn i grenselandet mellom folkemusikk, kyrkjemusikk og improvisatorisk musikk. Det er så vakkert at det er til å gråta av, når dei vare tonane pakkar oss inn, og snik seg inn til det inste.

“Her har eg spelt så mange gonger med stor glede.”, seier Apeland om Vangskyrkja. “Når eg kjem inn i Vangskyrkja vert eg minna om all den fine musikken som har vore framført der: Den tradisjonelle kyrkjemusikken og salmesongen, folkemusikken, og den musikalske rikdomen Vossajazz har presentert. Det er difor ei stor ære å få tilføra nye lydar i dette tradisjonsrike og vakre rommet.”

Apeland har lang fartstid i musikken si verd, både som utøvande musikar og i akademia. Han har hatt musikalske samarbeid med mellom andre Nils Økland, Reidun Horvei, Knut Hamre og Berit Opheim. Han har doktorgrad i kyrkjemusikk frå Griegakademiet, studerte utøvande kyrkjemusikk ved Rogaland Musikkonservatorium, er fyrsteamanuensis ved UiB, har tilknyting til folkemusikkarkivet Arne Bjørndals samling, og vart tildelt Vossajazzprisen i 2014. Ein kan trygt seia at det er ein bauta innan sjangeren som vitjar Vangskyrkja på ny.

English

“I’ve had the joy of playing here so many times.”, Sigbjørn Apeland says about Vangskyrkja. Anyone can be brought to tears when his clear and delicate tones resound through the church room. He plays the organ and the harmonium divinely, connecting folk music, church music, and improvisational music. 

Apeland has worked with music for years, both as a musician and in academia, and was awarded “Vossajazzprisen” in 2014. He has worked with musicians like Nils Økland, Reidun Horvei, Knut Hamre and Berit Opheim, to name a few. He also has a doctorate in church music from The Grieg Academy, has studied church music performance at Rogaland Music Conservatory, is an associate professor at the University of Bergen, and is connected to the folk music archive “The Arne Bjørndal Collection”. It’s safe to say that a veteran is revisiting Vangskyrkja this year.

Sigbjørn Apeland – orgel og trøorgel