Danske Nana Rashid kjem til Vossa Jazz!
Ærleg og ope, med trua på at musikk kan hjelpa oss å finna att det djupt menneskelege – Nana Rashid lagar musikk om banda som held menneske saman.
Med nytt perspektiv på gamle jazzgrep syng ho seg inn i samtida. Songar om nattas melankoli og den vanskelege kjærleiken, og om det å vera kvinne og alt som følgjer med av forventningar.
Meldarar har omtalt Nana som eit bevis på at det fortsatt finst store og uoppdaga talent på den nordiske jazzscena. Ein artist med ei fantastisk stemme og ei tilnærming til musikken som er både naken, sårbar og sterk.
Albumet «Music for Betty» kjem ut 14. april 2023. Hovudtemaet til plate er ukompromissøs sjølvaksept. Å akseptere seg sjølv med alt det vi inneheld – òg det skamfulle: sårbarheit, einsemd og lengten etter å høyre til i ei tid der det er så mange grunnar til å føla seg åleine.
Medverkande:
Nana Rashid – vokal
Benjamin Nørholm Jacobsen – piano
Martin Brunbjerg – kontrabass
Lasse Jacobsen – trommer
English:
Honest and open, with a faith in music as our guide to rediscovering the deeply human – Nana Rashid makes music about the fine web that holds us together. She brings a new perspective on old jazz techniques, joining them in the here and now – songs of melancholy and love, about being a woman with all its challenges and expectations. The album Music for Betty is out this spring, with its head theme uncompromising self-respect.
