Lastar Hendingar
Foto: Rossetti

Hamid Drake`s Turiya: Honoring Alice Coltrane

fredag 31. mars

Kl 23:00

Hamid Drake – ein av vår tids aller beste trommisar innan jazz- og improvisasjonsmusikk – kjem til Vossa Jazz!

Sidan 70-talet har han jobba med storleikar som Don Cherry, Herbie Hancock, Pharoah Sanders, Fred Anderson, Archie Shepp, David Murray og Peter Brötzmann. Drake er kjend for å inkorporera afro-cubanske, indiske og afrikanske element i spelinga si, og han spelar ofte utan stikker, noko som gjev rom for subtil dynamikk med hender og fingrar.

Han kjem til Vossa Jazz med ei gruppe strålande musikarar for å heidra Alice Coltrane. Den fantastiske multiinstrumentalisten har vore ei viktig inspirasjonskjelde for eit utal musikarar i moderne tid. Ho la vekt på dei andelege aspekta ved musikken og var ein pioner innan spiritual jazz-rørsla.

Som kunstnar og andeleg lærar hadde ho ei utruleg evne til å bringa nye musikalske perspektiv til alle som møtte ho, eller høyrde musikken hennar.

Hamid Drake sjølv seier dette om forholdet til Alice Coltrane:

– I met Alice Coltrane at a Ravinia Festival concert, outside Chicago, when I was 16. We exchanged addresses and wrote to each other afterwards. Her creativity impacted a host of musicians and listeners. For myself it was and still is very powerful. She gifted me with a spiritual and aesthetic openness that I continually cherish. This project is my way of honoring the great being that enabled a teenager to continue on the path of discovery, wonderment and finding one’s own voice.

 

Medverkande:
Noho Ange – dans, opplesing
Sheila Maurice Grey – trompet, vokal
Jan Bang – elektronikk
Jamie Saft – piano, keyboard, Fender rhodes
Pasquale Mirra – vibrafon, perkusjon
Joshua Abrams – kontrabass, guembri
Hamid Drake – trommer, perkusjon, vokal