fredag 23. mar - 23:00

Skadedyr er eit overflodshorn av fandenivaldsk, sprudlande og sjangeroverskridande musisering frå den nye generasjonen i norsk jazz. Saman med den fantastiske multiinstrumentalisten Anders Røine lagar dei eit flunkande nytt verk til Vossa Jazz 2018!

Me lever i ei tid der klimaproblem, vêrforandringar og misbruk av naturressursar heng over oss som ein mørk sky. I «Mutationes Tempestas» vil komponistane sveisa tilhøyrarane saman med naturen gjennom eit musikalsk rituale som speglar alt frå big bang til kviskrande vindpust gjennom jazz, folkemusikk og klassisk dramaturgi. Musikken tek opp i seg erfaringar og kjensler rundt det å vera eit kroppsleg, levande menneske i ei verd i konstant forandring.

Skadedyr gav ut andreplata «Culturen» på Hubro i 2016 til strålande omtalar over heile fjøla: «‘Culturen’ vil stå som et særegent fotavtrykk av sin generasjon jazzmusikere» skreiv Maria Lokna i Klassekampen.

Anders Røine vart kåra til «Årets folkemusikar 2017» under Folkelarm i Oslo. Det mangslungne talentet hans er kjent frå duoen Sudan Dudan og samarbeid med blant andre Valkyrien Allstars, Sigrid Moldestad og Gabriel Fliflet.

Anders Røine – hardingfele, munnharpe, langeleik, gitar, lur, seljefløyte, vokal, komposisjon
Hans Hulbækmo – trommer, komposisjon
Heida Mobeck – tuba, komposisjon
Anja Lauvdal – piano, synth, komposisjon
Øystein Aarnes Vik – trommer
Adrian Løseth Waade – fiolin
Ina Sagstuen – vokal
Ida Løvli Hidle – akkordeon
Torstein Lavik Larsen – trompet
Henrik Munkeby Nørstebø – trombone
Fredrik Luhr Dietrichson – kontrabass
Lars Ove Fossheim – gitar
Marius Klovning – steel gitar

English:
Skadedyr is a testament to the abundance of great talent and innovative musical ideas rising from the new generation in Norwegian jazz. Together with «The folk musician of the year 2017», the great multi instrumentalist Anders Røine, they have composed a brand new commissioned work for Vossa Jazz 2018, about man’s relationship to nature in a difficult time of climate problems and changing weather.