SUPERJAZZ Henrik Horge & Calypsokameratene

Henrik Horge & Calypsokameratene tek oss med på ei uforgløymeleg musikalsk reise fylt med sol, palmesus og smittande karibiske folkemusikkrytmar. Med tropiske melodiperler og humoristiske tekstar leverer dei noko så eksotisk som norsk calypsomusikk. Og det beste av alt, dette er årets superjazzkonsert!

Dette betyr at det vert musikkverkstad og konsert med Superjazz-gjengen saman med Henrik Horge og Calypsokameratene.

Songane deira handlar om frukt, fuglar, bananbåtar, onklar, sol og kjærleik. Konserten er både swingande, tøysete, rocka og nostalgisk, og tek vare på det humoristiske glimtet i augekroken som kjenneteiknar god, klassisk calypso. Publikum vert oppmoda til å ta med seg dansefot, solbriller og stråhatt. Resultatet er ei svingande konsertoppleving som garanterer frisk sjøbris og godt humør lenge etter at siste tone har stilna.

Henrik Horge – vokal/perkusjon
Øystein Bergsvik – trommer
Julius Lind – kontrabass
Peder Bernhardt – gitar
Lars Andreas Aspesæter – piano

Foto: M. Berg

Les meir om SUPERJAZZ her: Superjazz – Vossa Jazz

Denne konserten får du med deg dersom du har enkeltbillett til konserten, festivalpass eller dagspass sundag. Om du har pass, vurder å sikre deg med plassbillett (25 kr).