Det er mest som Vossasalen vart forvandla til eit tungt røykfylt lokale med dunst av whisky og blankpolerte lakksko, då storband og songarar tok dei i salen sittande menneska med til Harlem tidleg på tjuetalet. Med si historieforteljing sette dei scatting og lekre, delikate tonar i kontekst. Dei store jazzartistane gjennom tidane vart heidra på smektande, sjelfullt vis.