Vanskeleg å stå i ro når golvet er ei trampoline

“E dekan klar?”, skrik Mads Berven frå scena. Borna nølar ikkje eit sekund før dei alle svarar med eit unisont “JA!” Jens Brun & De Hattmakers startar på det ikoniske riffet til “I Feel Good”, og det tek ikkje meir enn nokre sekund før alle, born som vaksne, dansar rundt på golvet i ein ellevill fest. Bandet lirar av seg hit på hit i norsk språkdrakt: Kjeksmaskin (Sex Machine), Suss (Kiss) og Rushtrafikken (Crosstown Traffic). Etter glansnummeret Gulvet Er Ei Trampoline (Get Up Offa That Thing) må ein konkludera med at det er borna som har dei freshaste move’sane!

Dette var godt mogeleg den mest underhaldande og gøyale konserten på årets festival!