Super Jazzsundag!

Med verdsjazzkunstnaren Karl Seglem som musikalsk leiar fylgd av Jonas Sjøvaag (perkusjon) og Sigurd Hole (kontrabass) er den vesle timen med Superjazz lun og underhaldande. Med kjende viser som «So ro rela» og «Det står ein friar uti garden» utforskar gjengen i Superjazz dynamikk og tonalitet med største sjølvfylgje. Saman med publikum smakar dei på blåtonar og alle blåtonane har sin heilt unike smak. Alle får vera med å laga musikk i form av kviskring klapping og stryking i hender og somme får utdelt rytmeinstrument. Konserten vert avslutta med soloinnslag leikne dansesteg og eit «kykkeliky – god påske!».