Opplev Solaris på Vossa Jazz

Øyvind Rimbereid sitt langdikt Solaris korrigert vart oppført som fullskala teaterframsyning på Det Norske Teatrets Hovudscene i 2015/2016 og hausta panegyriske kritikkar og fleire Hedda-prisar – mellom anna for musikken til Sjur Miljeteig, og Ane Dahl Torps tolking av hovudpersonen «Aig».

I denne konsertversjonen, skreddarsydd for Vossa Jazz, vil Miljeteigs musikk og sjølve teksten få ein enno større plass.

Ane Dahl Torp seier dette om Solaris : «Ofte på teater er prøveperioden det morsomste. Sjur og jeg jobbet tett og mye med «Solaris korrigert» før vi begynte prøvene og hadde det vanvittig moro. Men å spille det… det er uten sidestykke den største opplevelsen jeg har hatt som skuespiller, og at Sjur og jeg faktisk skal få gjøre den igjen – men på en ny måte! – på Vossa Jazz er litt fantastisk.»

Me gler oss til å oppleva  Ane Dahl Torp og Sjur Miljeteig i Gamlekinoen laurdag 8. april!

Vel møtt!

Kjøp billettar hjå TicketCo.