Den utvida Møster!-besetningen gav vossajazzarane ei stor oppleving i Vossasalen laurdag kveld. Dei nyskrive komposisjonane deira var prega av eit vitalt og energisk driv med afrikanske undertonar, lange strekk med uhemma, psykedelisk improvisasjon og eit heilt rått, støy- og progbefengt lydbilete. Men kan ein eigentleg forvente noko mindre, når rytmeseksjonen består av to legendariske trommisar og eitt stk. verdas beste bassist? Resten av bandet er ikkje noko dårlegare: Om du lager ei liste over norske yndlingsband står nok desse karane i kulissane på halvparten av dei. Lat oss håpe at gjengen har vett til å gå i studio med desse låtane, så resten av verda får sjansen til å høyre det same som dei priviligerte festivalgjengarane på Vossa Jazz.
This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.