Amerikansk jazztog i fin driv på Voss

Kvartetten frå USA er som eit jazztog i fin driv med Nasheet Waits som eit stødig og pulserande maskineri. Men om Nasheet er maskineriet er saksofonist Logan Richardson den som heile vegen leiar toget vidare mot nye landskap godt flankert av pianist James Hurt og bassist Tarus Mateen. Når Richardson trakterer saksofonen lokkar han tankane til ei anna tid. At Waits er primus motor i ensemblet er det ikkje tvil om. Trommande leier han tilhøyrarane vidare med leikande intense og liflege rytmar heile tida var på innspel frå dei andre og klar for nye impulsar undervegs. Med musikalske overraskingar og slagkraftige godbitar kjem toget seg stadig fram til nye stasjonar av musikalske harmoniar og høgdepunkt.