fredag 23. mar - 20:45

Sigrid Moldestad kjem til Vossa Jazz med sin kraftfulle blanding av folk, vise- og tradisjonsmusikk. Ho er ein artist med eit sterkt forteljarhjarte og evne til å berøre tilhøyrarar med vakker melankoli og leiken kraft.

Moldestad har sin bakgrunn i felespelet og folkemusikken. Spesielt har ho fordjupa seg i tradisjonen frå sitt heimområde, den vesle bygda Breim i Nordfjord. Med denne arven som inspirasjon og rot har ho utvikla sitt eige musikalske uttrykk i grenselandet mellom tradisjonar og nyskaping, folkemusikk, pop og visesong.

Den nyaste plata hennar, «Vere her» (2017), er ei maktoppvisning i sjangerbalansering, innsiktsfulle tekstar og fengjande musisering. «Nå er det på tide folk får opp ørene for hvilken artistisk juvel denne damen er», skreiv Svein Andersen (Aftenposten) i sin omtale av plata. Bandet hennar er sett saman av det beste vårt vene Vestland har å by på av kvalitetsmusikarar – ikkje gå glipp av denne konserten!

Sigrid Moldestad – vokal, fele
Jørgen Sandvik – gitar, mandolin, banjo
Sigbjørn Apeland – piano, trøorgel
Anders Bitustøyl – bass
Kåre Opheim – trommer

http://www.sigridmoldestad.com/

 

English:
Sigrid Moldestad is an artist with a rare gift for conveying beautiful melancholy and playful force. Her musical roots is the traditional folk music of her hometown Breim in Northwestern Norway. With this foundation she has built a unique expression, mixing traditions with new ideas from folk, pop and other genres.