Lastar Hendingar

Sigrid Moldestad

sundag 2. april

Kl 18:30

Sigrid Moldestad er ein av Noregs fremste artistar innan folk-, vise- og tradisjonsmusikk. Ho har eit sterkt forteljarhjarte og ei eiga evne til å berøre publikum anten det er med leikfull kraft eller melankoli og sjølvskrivne viser og tekstar.

Ho vaks opp i den vesle bygda Breim, Nordfjord og vart tidlig introdusert for felemusikken. Ho har studert folkemusikk ved Ole Bull Akademiet på Voss og har fordjupa seg i tradisjonen frå sitt heimeområde. Det er også denne musikken som er inspirasjon og rot i mykje av det ho skapar sjølv.

Sigrid har gjeve ut fleire plater, både i samarbeid med andre og som soloartist. Med platene «Taus», «Sandkorn», «Himlen har sove bort mørkret» og «Brevet til kjærleiken» har ho sidan 2007 plassert seg langt inn i den norske folkesjela. Ho har motteke to Spellemannsprisar og ei rekkje andre utmerkingar.

Og ikkje minst: Sigrid er ein fantastisk live-artist, som det er vanskeleg å ikkje verta påverka av som publikummar. Til Vossa Jazz 2023 tek ho med seg eit fantastisk ensemble av norske toppmusikarar innan folkemusikk/jazz-segmentet. Me gler oss stort til konserten hennar!

 

Medverkande:
Sigrid Moldestad – fele, vokal
Sigbjørn Apeland – trøorgel, rhodes, piano
Jørgen Sandvik –  gitarer, banjo, mandolin
Anders Bitustøyl –  bass
Kåre Opheim – trommer, perkusjon
Roald Kaldestad –  gitarer, mandolin
Kjetil Aabø – lydteknikk