Significant Time

Significant Time er eit av dei mest spanande unge banda på den norske jazzscena. I 2016 gav dei ut debutalbumet sitt, med det fantastiske namnet Regnbueponniens significante påskesang! Men det er ikkje berre tittelen som er bra – musikalsk miksar gruppa klassiske komposisjonsideal med den frie og energiske 60-talsjazzen på ein svært overtydande måte. Her finn ein inspirasjon frå Ravel og Grieg side om side med Duke Ellington, Charles Mingus og Ornette Coleman.

I høve Vossa Jazz vil gruppa framføre eit nyskrive verk som tek utgongspunkt i Per Sivle sine Vossastubbar, som vart utgjevne i 1880- og -90-åra. Bandet vil freista å gjenskape den friske og ektefølte folkelege tonen som finst i stubbane til Sivle, i sitt eige leikne musikalske uttrykk. Her er det duka for ei flott, jazza revitalisering av eit stykke litterær Vossa-historie!

Øyvind Dale – piano
Signe Irene Time – vokal
Fredrik Luhr Dietrichson – bass
Raymond Lavik – trommer
Ida Løvli Hidle – akkordeon
Marius Klovning – gitarar

English:
Significant Time is one of the most exciting young bands on the Norwegian jazz scene. Their debut album has a great title («The Significant Easter Song of the Rainbow Pony»), and the music is even better! Significant Time has found a way of combining classical composition ideals with inspiration from 60s jazz and Edvard Grieg. At Vossa Jazz they will perform a new work written for the occasion, inspired by the Voss-writer Per Sivle (1857-1904).