Konserten inngår i billetten Huskort laurdag. Du kan ikkje kjøpa billett til berre denne konserten.
Ingrid Jasmin vakte oppsikt med debutsingelen «Pilgrim» i 2021. Dette var noko utanom det vanlege på den norske musikkscena: Ei elektro-akustisk blanding av norsk folkemusikk og flamenco, med nydeleg, eigenarta stemme og ein dose pop-sensibilitet!
Hausten 2022 slapp ho debutalbumet «Luna» til strålande omtalar og femmar i Aftenposten, under overskrifta «Nydeleg stemmeprakt». Med seg på plata har ho eit stjernelag av musikarar og produsentar: Mathias Eick, Eyolf Dale og Tuva Færden med fleire.
Den unge, talentfulle songaren vaks opp omgjeven av folkemusikk i Telemark, men har samstundes dyrka røtene sine i den spansktalande verda. Ho har budd fleire år på Cuba og i Spania, der ho har gått djupt inn i den tradisjonelle musikken. Den uvanlege blandinga av av norsk og spansk tradisjonsmusikk ser kanskje merkeleg ut på papiret, men Ingrid Jasmin har stemma, kunnskapen og musikaliteten som får det til å fungera heilt fantastisk – berre høyr på plata!
Sjølv om ho er eit nytt namn i musikk-Norge, er ho allereie på radaren til festivalane. Releasekonserten for «Luna» vart spelt på ei utseld Nasjonal Jazzscene under Oslo World, og hausta glitrande kritikk. Dagsavisen omtalte det som «en sikker og følelsesladet oppvisning fra en artist som åpenbart er født for scenen, som behersker publikums minste vink og som er i ett med sine dedikerte musikere.»
Ingrid Jasmin – vokal
Mathias Eick – trompet, synth, vokal
Andreas Ulvo – tangentar, synth
Almir Meskovic – akkordeon, laptop, synth
English:
An electro-acoustic blend of Norwegian folk music and flamenco with a stand-out voice and pop sensibility! The young, talented singer grew up surrounded by traditional folk music in county Telemark, but alongside she nurtured her roots in the Latin speaking parts of the world and their musical ancestry. She has lived several years in Cuba and Spain, where she has dug in to the musical ground. The unusual Norwegian-Latin mix may sound strange, but with her voice, knowledge and musicality it works like a dream.
Konserten inngår i billetten Huskort laurdag. Du kan ikkje kjøpa billett til berre denne konserten.
