fredag 7. apr - TBA

Highasakite er kanskje Noregs største band akkurat no. Det fantastiske tredjealbumet deira, Camp Echo (2016), har fått femmarar og seksarar over heile fjøla, og vart sluppe på eit tidspunkt då forrige plate, Silent Treatment (2014), framleis låg på lista over bestselgande album i Noreg! Dei set standarden for popmusikk både kommersielt og kunstnarleg: Dei viser at utfordrande og kreativ kvalitetsmusikk kan nå ut til massene. Ingrid Helene Håvik og bandet tyr ikkje til billege triks for å hamna på listene – musikken deira er ein intelligent blanding av fengande pop, mørk elektronika og eksperimentell samtidsmusikk. Saman med artistar som Susanne Sundfør, Aurora og Robyn er dei heilt i bresjen for spanande, nordisk kvalitetsmusikk av internasjonalt kaliber, som fungerer like godt på dansegolvet som på radioen og platespelaren.

Highasakite er eit framifrå liveband, og 11. desember spelar dei på Nobelpriskonserten i Oslo. 7. april kan du oppleva dei på Voss!

Ingrid Helene Håvik – vokal
Marte Eberson – synth, vokal
Øystein Skar – synth
Kristoffer Lo – gitar, perkusjon
Trond Bersu – trommer

www.highasakite.no

Konserten inngår i billetten huskort fredag. Du kan ikkje kjøpa billett til berre denne konserten.

English:
Highasakite might be the best Norwegian band right now. Their fantastic third album Camp Echo (2016) received rave reviews, and was released while their last album (Silent Treatment 2014) was still among the best selling albums in Norway. Higasakite sets the standard for commercial success and artistic quality in Norway: They prove that creative and intelligent pop music can reach, and mesmerize, the masses. Their exciting mix of catchy pop, dark electronica and experimental contemporary music works just as well on the dancefloor as on the radio or the record player.