Lastar Hendingar

Gi Jazz – Eides språkguide til Jazzen

laurdag 1. april

Kl 20:00

Kjem ordet jazz frå «Paois jass» (kreol for ein anstrengande aktivitet) eller «Jasm» (am.slang for driv, energi, sprita opp, vitalitet)? Ingen veit. Jazz er eit ord som blir forstått over heile verda, men som utruleg nok har ukjent opphav. Slik er Jazzen. Vanskeleg å fanga, men ein fest å oppklara.

Saman med pianist Sjur Hjeltnes, og musikalske gjester, gir Linda Eide oss jazzhistoria fortalt gjennom jazzens mange utrykk og begrep.

Sjangrar og fenomen. Dixieland, tradjazz, jive talking, jazzbule, Klub 7-språket, bebop. Ja, kven kom eigentleg med bebopen? Og kva skjedde med swingen då? Og når vart saxofonen Djevelens horn? Og kvifor vart akkurat dette instrumentet bannlyst av både Paven, Hitler og Stalin?

Legender. Kvifor vart Charlie Parker kalla Bird, og kven var the duke, og the count og the major? Og kva var det med namnet Eleanora Fagan som ikkje var godt nok for Billie Holliday?

Musikken. Kven kom med dei skeivaste taktane, kva er og vamp og break? Og kvifor insisterer alle jazzmusikarar på å kalla alle instrument for horn? Kor trad er tradjazz og er norsk jazz noko anna enn anna jazz?

Gi jazz. Vossa Jazz har gitt jazz i femti år. Det har påverka alle vossingar og gjort dei langt over gjennomsnittet jazzinteresserte. Det gjeld også for Eide og Hjeltnes, begge trufaste vossajazzingar. No gir dei noko tilbake til festivalen, ei jubileumsgåve, ein historietime det skal swinga av.

Det er berre å gi jazz!

Medverkande:
Linda Eide
Sjur Hjeltnes – tangentar
Musikalske gjester

 

English:
The origins of the word «jazz» are unclear, with some suggesting it comes from «Paois jass» (Creole for an exhausting activity) and others saying it comes from «jasm» (American slang for drive, energy, excitement, and vitality). Despite being understood worldwide, the origin of the word remains unknown. This reflects the nature of jazz itself, which is difficult to define but a joy to explore.

Together with pianist Sjur Hjeltnes and musical guests, Linda Eide presents a history of jazz through its many expressions and concepts. This includes genres and phenomena like Dixieland, traditional jazz, jive talking, jazz clubs and bebop. Who exactly introduced bebop? What happened to swing? Why was the saxophone considered the Devil’s horn by Pope, Hitler, and Stalin?

Vossa Jazz has been bringing jazz to the community for 50 years, influencing all locals and making them particularly interested in jazz. This is also true for Eide and Hjeltnes, both devoted Vossa Jazz enthusiasts. They are now giving back to the festival with a special anniversary presentation on the history of jazz that is sure to swing.