Torhild Ostad og Carsten Dahl

Det er over 20 år sidan Torhild Ostad gav ut den vakre folketonesamlinga Blomar i moll. No er ho tilbake, denne gongen saman med den danske pianisten Carsten Dahl. I han har ho funne ei musikalsk tvillingsjel – saman har dei laga ei søkjande, kjenslevar, andfull og djup plate som ber tittelen Jeg roper til deg (2018). Musikken har tydelege røter i folkemusikken, men med tekstar med bilete frå notida. Det vert også kveldssalmar til religiøse folketonar.

Gled dykk til å få oppleve Ostad og Dahl si vakre toneverd live på Vossa Jazz!

Torhild Ostad – vokal
Carsten Dahl – piano