«Er det virkeligt muligt, at der findes et så stort uopdaget talent i jazzen?» skreiv Niels Overgård (jazznyt.com) om Nana Rashid då den sterke debut-EP’en «Sorrow in Sunlight» kom ut av det blå hausten 2016. Den unge, danske jazzvokalisten har ei tidlaus, ærleg og fortryllande stemme, som sender tankene i retning Radka Toneff og Nina Simone.
Ho manar fram ei sårbar, melankolsk, vakker og akustisk toneverd, som får alle jazzhjarter til å dunka fortare. Rashid seier sjølv at ho oppfattar musikken som ei form for altomsluttande empati, som rommer alle og gjev oss ei menneskeleg samkjensle. Det er ikkje vanskeleg å forstå kva ho meiner når ein lyttar til musikken hennar.
Nana Rashid – vokal
Petter Rylén – piano
www.facebook.com/nanarashidmusic
https://www.instagram.com/nanarashidmusic
English:
The voice of young, Danish jazz singer Nana Rashid has a timeless quality, reminiscent of such greats as Nina Simone and Radka Toneff. The strong, raw and melancholic debut EP «Sorrow In Sunlight» (2016) is proof that it’s still possible to uncover great, unknown talents in jazz music in our day and age.
