Jolajazz 2025
3. joledag
Gode jazzven
Kvart år arrangerer Vossa Jazz Jolajazz på Park Hotell Vossevangen. I år står to ulike band på scena i løpet av kvelden, i tillegg til DJ og eit sveitt dansegolv. Årets beste romsjulsfest skjer altså på Park Hotell laurdag 27. desember / 3. juledag.
Legendariske KNIV OG TAFFEL SWINGJAZZORKESTER kjem for å tafle romjula inn. Vossasalen på Park hotell skal fyllast med dansbar og fengjande swingjazz, saman med svingande og gjerne dansande jolajazzarar.
David Vogt – fiolin og vokal
Karl Wallevik – gitar og vokal
Mads Berven – gitar og vokal
Kristoffer Vogt – kontrabass og vokal
Kåre Opheim, trommer og vokal
I andre avdeling fylgjer KNEKT opp med råskap og rock’n’roll på ekte, fram mot midnatt. KNEKT leverer kompromisslaus rock tufta på rockehistoria sine verdiar, men med eit heilt eige, moderne uttrykk. Gjer deg klar for gitarriff og fire flate frå trommene.
Adrian Røren – vokal
Ludvik Skattum – gitar
Martin Brekkhus – gitar
Jakob Nes-Lorentzen – bass
Sander Wefring – trommer
Og sjølvsagt vert det jovial disco i Juvet med DJ JLAS heilt frå dørene opnar og utover natta.
Jakob Larssøn Astrup Sjøtun – DJ
MIDDAGSPAKKE – Trerettar & Jolajazzbillett.
Park Hotell tilbyr tradisjon tru Jolajazzmiddag – ein herleg trerettar i restauranten Elysée i kombinasjon med Jolajazzbillett. Middagspakka (trerettar + billett) kostar 1300,- og betalast til hotellet.
