• Denne hending er over.

Under stjernone

sundag 14. apr - 17:00

Velkomen til eit gjensyn med Olav H. Hauge-framsyninga Under stjernone, som hadde urframføring på Vossa Jazz 2005!

Fruktbonden frå Ulvik skreiv dikt av den tidlause sorten. Med motivkrins og ordtilfang forankra i heimlege Hardanger, og eit medvit om form som knyter han til modernismen, representerer Hauge sin produksjon ein unik litterær skatt. Rikdom er til for å delast, og Under stjernone gjer nettopp dette.

Under stjernone krinsar kring ei rekkje dikt og dagboksnotat frå diktaren, tolka av skodespelar Hildegun Riise med framifrå nyanse, innleving, timing og dialekt. Tekstane er tonesett av bassist, komponist og Oslo Jazzfestival-leiar Edvard Askeland. Det neddempa, jordnære og distinkte tonefølgjet, framført av eit knippe av Noregs finaste jazzmusikarar, komplementerer Hauge sine ord på ein framifrå måte, og får fram melankoli og svartsyn, såvel som humor og ljosare stemningar med stor overtyding.

Etter urframføringa i 2005 vart det både konsertturné og plateutgjeving av Under stjernone, og me er lukkelege over å få sjå og høyre dei att på Voss i 2019!

Hildegun Riise – diktlesing
Per Jørgensen  trompet
Paolo Vinaccia  – trommer
Eivind Aarset – gitar
Edvard Askeland – bass

English:
“Under stjernone” (“Under The Stars”) is a concert project built around the poems and diary notes of great Norwegian poet Olav H. Hauge (1908-1994). His motives and vocabulary was closely linked to his home place Ulvik in Hardanger, where he lived most of his life as a fruit farmer. His extensive knowledge about the European literary tradition and his modernistic experiments with form made him a one-of-a-kind literary voice, with the power to bridge the gap between local imagery and international modernism. Norwegian actress Hildegunn Riise reads his poetry with great empathy and feeling, with musical backing by some of the best jazz musicians in the country.