Vossa Jazz vart skipa 19. desember 1973 og sidan første festivalen i 1974 har Vossa Jazz årleg vorte skipa til. Frå 1980-talet har festivalen alltid funne stad i palmehelga.
Den musikalske profilen omfattar jazz, folkemusikk og verdsmusikk. Festivalen har med sin særeigne kombinasjon av jazz og folkemusikk samt satsing på årlege tingingsverk og prosjekt ein sterk stilling blant publikum og media. Vossa Jazz er ein sentral arena for nyskaping i norsk musikkliv.
I vedtektene heiter det m.a.: ”Vossa Jazz skal ha som føremål å stimulera interessa for jazz og nærliggande musikkformer både for tilhøyrarar og aktive musikarar”.
Sjå her for Tingingsverkkomponistar opp gjennom åra.
Sjå her for Vossa Jazz-prisvinnarar.
Sjå her for vinnarar UNGjaJAZZja-prisen.
Sjå her for vinnarar Badnajazzprisen.
Vossa Jazz mottar tilskot frå stat, fylke og kommune.
Vossa Jazz har to fast tilsette, festivalråd og styre. Festivalrådet har saman med administrasjonen ansvar for gjennomføringa av festivalen, saman med om lag 250 frivillige.