”Salto – Goodbye have a safe journey and follow your heart”
Årets Ekstremjazz er eit samarbeid mellom Jon Balke Batagraf og dansekompaniet Wee leia av italienske Francesco Scavetta. Dette vert ei spektakulær utandørs konsert-framsyning med dansarar og utøvarar frå ekstremsport og akrobatikk med Vangsvatnet som bakgrunn og scene. «Ekstremsport handlar om vilje til å handtere risiko. I dette ligg det opningar til noko nytt. Det meste er vanskeleg men alt er mogleg!» seier Jon Balke. Historia bak framsyninga er utvandringa frå Voss på 1800-tallet og assosiasjonar kring det å sleppe taket: forlate det velkjende og kasta seg ut i det ukjende. «Noko slikt må dei jo ha tenkt også dei som på 1800-talet reiste frå gard og grunn for å koma til New York med heile livet i ein koffert. «Salto!» er ein fabel rundt omgrepa risiko og gevinst» held Balke fram.
Jon Balke er av dei mest markerte aktørane i norsk og europeisk jazz. Heilt frå tidleg på 1970-talet har han bidrege med tonar frå klaver og synth og som arrangør og komponist mellom anna med Masqualero Jøkleba Magnetic North Orchestra og Batagraf.
VossaJazz satsar sprekt; me vil syna at me er ein nyskapande festival og kombinerer natur og kultur på ein spektakulær måte.
Dansarar:
Gry Kipperberg
Christine Kjellberg
Arnulfo Pardo Ravagli
Koreograf: Francesco Scavetta
Musikarar:
Jon Balke
Helge Norbakken
Ingar Zach
Kenneth Ekornes
Snorre Bjerck
Siv Kjennstad
Gard Nilssen
Thomas Dahl
Ellen Thuland
Kari Finne Songnnæs
Kostymedesign: Gørild Bjerke Sæther
Lydproduksjon: Asle Karstad
Lysproduksjon: Tor Ditlevsen
Framføringa finn stad på / ved Vangsvatnet laurdag 4. april klokka 20:00 – og er gratis.