Billettslepp!
Laurdag 12. april kjem trioen ULD til Vossa Jazz for å spele konsert i Vangskyrkja.
Une Lorentzen Onarheim – vokal
Lucia Utnem – tangentar
Dagny Braanen Lindgren – trekkspel
Etter eit intenst og spanande år med opningskonsert på Bylarm, nominasjon til «Årets Stjerneskudd», og Mari Boine sine gjestar i Operaen, er den unge trioen ULD endeleg klar for Vossa Jazz. Ei særeigen besetning med trekkspel og piano gjev eit sjangerflytande uttrykk med improvisert musikk inspirert frå viser, indie, jazz, folk og tradisjonsmusikk, og – i tillegg til eigne tekstar – moderne tilnærming til dikt frå Gunvor Hofmo og Jon Fosse. Lågmælt urkraft med harmoniar som går rett i hjarterota.