Torsdag 18. juni vert det sommarkonsert i hagen til Park!
Vossa Jazz har sakna å jobba saman med våre gode vener på Park Hotel Vossevangen og hjå Voss Lyd, og me gler oss stort til å skipa til konsert.
Sigrid og hennar medmusikantar har nyleg vore i studio og jobba med nytt album, så kven veit, kanskje får me oppleva rykande ferskt materiale? Ei herleg feiring av sommaren vert det i alle fall!
Sigrid Moldestad – vokal, fele
Jørgen Sandvik – gitar, mandolin, banjo
Sigbjørn Apeland – piano, trøorgel
Anders Bitustøyl – bass
Kåre Opheim – trommer
Roald Kaldestad – gitar
Grunna koronapandemien vert det lagt ut eit avgrensa tal billettar, og me vil fylgja retningslinjene som ligg føre.
«Dørene» opnar 18.00, konsertstart 20.00.