Konserten byrja med at Maria på bass etterspurte ein introduksjon av bandet!
Ein god ven av Sliteneliten hoppa då opp på scena og såg då sitt snitt til å ta ein improvisert introduksjon, og avslørte samstundes at Sliteneliten er svak for is når Isbilen kjem til Bordalen.
I salen var det ca 120 stykk, som også er max tal i Ungdomshallen. På slagarar som songen: “La fjorden leve” var arrangørane nesten redd for at golvet gynga! Køen stod til lagt ut på gata.
Palestinasongen var verkeleg flott. Fred EP Gitt ut i februar tar opp det viktige temaet om fred og håp, i en utfordrende tid. Festival og musikk får eit viktig aspekt kor me kan stå saman om fred. I lag, og synge for fred samstemt her på Vossa Jazz.
Heidi Kvelvane var konserten sin gjest på saksofon.
Vidare tok Synneva Gjelland den første stagediven i historia i ungdomshallen. Publikum var heilt i ekstase med flott gyngedansing på første rad.
Bandmedlemmane på konserten var Thea Marie Kvam på trommer, Inga Haugsdal Solberg på fele, Synneva Gjelland på vokal, langleik og gitar, Ylva Gulpinar på gitar og Maria Refsland på bass.
Dette er den musikalske ekvivalenten til eit 1. mai-tog!
Skrive av Eivind Toft
