SEIM & HALTLI
Det skjønne og det skjøre
Trygve Seim – saksofonar
Frode Haltli- akkordion
Saksofonist Trygve Seim og trekkspelspelar Frode Haltli feirar samspelet i partnarskapet med 25 års jubileum på Vossa Jazz. Framleis dirrande vakkert anten det er ukrainske voggeviser eller nord-indisk tradisjonsmuskk, i ei intim ramme med stor fridom – og rom for leikent og oppfinnsamt, men også skjørt spel. Musikk gjennomsyra av melankolsk venleik og håp.
Trygve Seim har ein enorm melodisk teft, veit å få det beste ut av medmusikarane sine, og det er ein fryd å lytta til dei detaljerte omvegane har tar undervegs i musikken. Med lyriske komposisjonar er det naturleg at han fekk merksemd frå Manfred Eicher, noko som har resultert i 22 plater på ECM. Avantgarde-spellemann Frode Haltli er like heime i folkemusikk og klassisk som i samtidsmusikken, og har mellom anna jobba med Vertavokvartetten, Maja Ratkje, Håkon Kornstad, Gjermund Larsen og POING, samt symfoniorkester rundt heile verda.
Trygve Seim og Frode Haltli kan du sjå i Vangskyrkja fredag 11. april.
