Azimuth-veteran med poetisk gullstrupe
Norma Winstone – vokal
Kit Downes – piano
Med ny plate – første på seks år – på ECM og ny musikalsk partnar i Kit Downes, kjem Norma Winstone med sine eigne poetiske tekstar til komposisjonar av Downes, så vel som musikk av Carla Bley, Ralph Towner og John Taylor. Duoen oppsto tilfeldig – slumpelukko ville ha det til at Kit Downes vikarierte med henne, og samspelet gnistra frå første tone. Norma Winstone vart først kjent på Ronnie Scott’s i ein legendarisk jam med Roland Kirk mot slutten 60-talet, og slo for alvor gjennom som ei av dei mest spanande britiske jazzvokalistane på syttitalet – like heime anten som tolkar av dei sartaste standardlåtane eller i rå avantgarde-eksperiment, ikkje minst i Azimuth. Pianist Kit Downes er soloartist på ECM, fleirårig «rising star» i Downbeat og musikalsk verdsvant som ein av dei mest imponerande engelske tangenttraktørar nokon sinne.
Jazz Britannia i Gamlekinoen laurdag 12. april!
