NAWAR ALNADDAF
Syrisk magi
Eit djupdykk i Nawar Alnaddaf – songar, komponist og instrumentalist frå Syria – si musikalske arv, og ei djupt personleg musikalsk forteljing. Med røter i arabiske tradisjonar og ei unik improvisatorisk evne utforskar ho bindinga mellom det tradisjonelle og det moderne. Konserten vev saman lyden av oud, lyre og den meditative arabiske fløyta ney, saman med hennar utrykksfulle røyst, der ho formidlar eit levande og spontant uttrykk som speglar både historiene frå eige opphav og hennar personlege kunstnariske stemme. Ei reise der det intime møter det universelle – eit møte mellom tradisjon, improvisasjon og innovasjon – der musikken får rom til å skapa fellesskap på tvers av kulturar og kjensler.
Velkomen til ein vakker konsert sundag 13. april i Vangskyrkja.