Eit godt festivalpublikum fortener god mat – og på Vossa Jazz finn du begge delar!
Restaurantane på Vangen har eit breitt utval med alt frå lokale spesialitetar og kortreiste råvarer til eksotiske verdsretter, anten om du treng ein rask matbit mellom konsertane eller ønskjer å nyta eit skikkeleg måltid. Under festivalen kan du mellom anna ta turen til lokalbakeriet Vossabakst for vårt eige Jazzbrød eller Jazzfjøl med smakfull ost og spekemat, testa Jazzburger på Tre Brør og Vangen Café sin uimotståelege Jazzpavlova.
Under festivaldagane vil du kunna besøkja fleire kulinariske spesialitetar på Torget. Her kan du vandra frå vogn til vogn og smaka deg gjennom eit variert utval frå matbuene som fyller torget, og kanskje oppdagar du ein ny favoritt undervegs. I tillegg til Torgets buer med bakst, bakte poteter frå Pota Madre, burritos og annan Tex-Mex frå El Caminito og vegetarretter frå DittOgDatt, finn du også sjølvsagt klassiske, tradisjonelle VossaKjøt og Voss Fellesbryggeri utanfor Gamlekinoen. Skinner sola kan det dukke opp endå fleire smaksopplevingar her!
