Jolajazz nærmar seg – endeleg er billettane ute! Vossa Jazz og Park Hotell inviterer til årets beste romjulsfest i Vossasalen den 28. desember. Gjer deg klar for heftige rytmar frå The Vossa Rebels sin rockabilly og Sūn Byrd sin moderne soul – og sjølvsagt blir det DJ og full stemning i Juvet!
THE VOSSA REBELS
SONDRE HEGG vokal, gitar SONDRE DÆMRING STYVE kontrabass EIVIND DÆMRING STYVE trommer
Hausten 2010 starta tre unge karar band, og fann fort ut at det var rockabilly dei ville leggja sjela si i. I sine fjorten år som band har The Vossa Rebels gjort ei drøss med spelejobbar rundt i landet – frå små klubbar til store festivalar – og har vore på tv-skjermen fleire gonger. I 2016 debuterte bandet med Bedop, og i 2020 kom andrealbumet More!. Bandet er for tida i gong med plate nummer tre, og slapp nyleg singelen Strapless Dress. Rockabilly med ungdommeleg energi frå eit band i toppform!
SŪN BYRD
JOHAN HELLAND vokal AUDUN HAAVE REKNES tangentar BÅRD BERG trommer MARKUS HAFSLUND GUNDERSEN bass JØRGEN KASBO gitar LYDER RØED trompet ERLEND VANGEN KONGTORP saksofon
Med sin karismatiske vokalist Johan Helland i spissen kjem Sūn Byrd med ei frisk tilnærming til moderne soulmusikk, samstundes som dei er djupt forankra i røtene til 60- og 70-talet. Bandet platedebuterte tidleg i 2024 og er allereie i kjømda med to nye albuminnspelingar, og har undervegs rukke å gjennomføra over 200 konsertar i Oslo. Knallsterke låtar, yrande musikalske idear, og eit telepatisk samspelt band. Dette blir årets gøyaste julekonsert!
JLAS (DJ i Juvet)
Jacob Astrup Sjøtun – kjend under artistnamnet JLAS er ein norsk DJ som med si unike blanding av energiske sett og lidenskap for musikk har satt preg på festivalscenar og radio. Han har ikkje berre mestra kunsten å produsere gode låtar (C-lista på P3 hausten 2023), men han har også blitt ein ettertrakta DJ på scener over heile landet. JLAS har delt scene med nokre av dei største namna i bransjen, inkludert legender som Grandmaster Flash og nye stjerner som Kjartan Lauritzen. I 2023 varma han opp for Kamelen og avslutta etterfesten til Matoma noko som vidare har bidrege til å styrka han som eit spanande musikalsk talent.
Pris for billett til Jolajazz: 550,- (Ungdom frå 18 t.o.m. 25 år får kjøpa billett til halv pris!)
Pris for billett til Jolajazz og middag på Park Hotell Vossevangen: 1225,-
Den tradisjonelle festpakka med billett til Jolajazz og 3-rettars middag i Elysée, kjøper du direkte hjå Park på tlf. 56 53 10 00 / e-post resepsjon@parkvoss.no. NB! 200 plassar.
