FLUKTEN
Signe Emmeluth – saksofonar
Marius Klovning – gitar
Bárður R. Poulsen- bass
Hans Hulbækmo – trommer
Ditt nye favorittband!
Flukten starta som ein jam mellom vener, som sidan har utvikla seg til å bli eit av Noregs mest anerkjende jazzband. Flukten har sidan bandet byrja spelt mange konsertar i og utanfor Noreg, og for debutalbumet “Velkommen håp” frå 2021 – som i følgje Morgenbladets meldar “… oser av grensesprengende frihetssøken og eventyrlyst på musikkens vegne.” – vann dei Spellemannspris i jazzklassen. I mai 2024 slapp dei sitt andre album, «Flukten» til strålande kritikk og same haust var dei ute på ein lang turné i regi av sørnorsk og nordnorsk jazzsenter. På denne konserten har dei fått med seg Signe Emmeluth frå Banshee og Emmeluth’s Amoeba. Leiken speleglede og virtuost samspel!
Dei spelar i Jazzklubben på Park laurdag 12. april.
