Vossa Jazz-kunstnaren 2018 er Marie Storaas!
– Det er en stor glede å være Vossa Jazz-kunstnar. Det er ekstra gøy å lage en utstilling som blir en del av en musikkfestival som handler om jazz. Musikk og spesielt jazz er viktige inspirasjonskilder i mine arbeider.
Marie Storaas fekk si mastergrad i kunst i 2014 ved Kunst- og designhøgskolen i Bergen. I tida som student utvikla ho eit særeige uttrykk inspirert av frescoteknikk, grafitti og fotografi, som kulminerte i det flotte masterprosjektet «Vi er her». Saman med Maria Prestmo driv ho visningsrommet «Salongen – rom for kunst» i Bergen.
Til festivalutstillinga 2018 skal ho presentera ei rekkje arbeid i spenningsfeltet mellom det sansbare, figurative og det maleriske. Måleria beveger seg i grenselandet mellom det konkrete og det abstrakte, med interessante materialval og skulpturelle kvalitetar. Tematisk tek arbeida opp i seg relasjonar og stemningar og motiva framstår som drøymande, ofte med ein politisk undertone.
– Jeg jobber parallelt som dj, hvor min sjanger er jazz. Hvordan jazzen forteller et språk mellom linjene og har en poetisk undertone er mye av det samme jeg jobber med i mine malerier. Det å jobbe med de svært dyktige og erfarne folkene som står bak Vossa Jazz er også noe som jeg setter enorm pris på. Og ikke minst at alt skjer på en av Norges vakreste steder, Voss.»
Vossa Jazz har tradisjon for å skipa til kunstutstilling under festivalen, i samarbeid med Voss Kunstlag. I tillegg har festivalen hatt kunstplakatar laga til festivalen frå dag éin. Me er opptekne av at kvalitet og ulike kunstutrykk skal gjennomsyra alt Vossa Jazz driv med, det gjeld og for den 45. festivalen som me skal skipa til neste år.
Vossa Jazz-plakaten 2018:
Plakatmotivet er laga spesielt til Vossa Jazz. Det er laga i betong og olje, og er inspirert av jazzen si verd med improvisasjon, melankoli og poesi. Noko er tydeleg, noko er diffust – akkurat som i jazzen!
