Y-OTIS (SE)

Otis Sandsjö – drivkrafta bak Y-OTIS – forlet Sverige til fordel for Berlin, med eitt sound i konstant rørsle: flytande, sjangeroverskridande og umogleg å plassere. Debutplata med tittelen Y-OTIS frå 2018 introduserte eit nytt musikalsk språk, og med Y-OTIS 2 som kom i 2020, på We Jazz Records, produsert av Petter Eldh, tok han det endå lenger – ein hypnotisk vev av fragment, loopar og groovar, alltid skiftande og uføreseielege.

Y-OTIS TRE (2024) held fram reisa og opnar nok eit kapittel i Sandsjö sin visjon om flytande jazz – ein «lydmosaikk» som hentar like mykje frå hiphop og elektronika som frå jazz. Her krullar saksofonriffa seg som bølgjer, mens melodiane veks fram og løyser seg opp i takt med drivande funk-rytmar. Sandsjö sin musikk er alltid i endring – leiken, lagdelt og retta mot framtida.

Dan Nicholls – synthar
Jamie Peet – trommer
Otis Sandsjö – saksofon
Petter Eldh – bass

Foto: Maria Secio & Sebastian Steins

Denne konserten får du med deg dersom du har festivalpass, dagspass laurdag eller huskort laurdag.