Lastar Hendingar

William Parker Trio

William Parker Trio “hentar like mykje frå hardrock og psykedelia, som frå blues- og jazztradisjonen”, ifølge All About Jazz. Dei skildrar trioen sitt album “Mayan Space Station” med eitt ord: Svidd.

Sjølv skildrar trioen albumet som “ei lei for fred og inspirasjon. Ein oase kor folk som er på jakt etter lyd og stille kan ta ei rast i bakken, og næra fantasiane sine”. Med William Parker på kontrabass, Ava Mendoza på gitar og Gerald Cleaver på trommer, kan me lova ei uventa musikalsk krønike, og ikkje minst noko å bryna seg på for den kresne lyttar.  

William Parker har vorte kalla “den mest bestandig brilliante frijazzbassisten nokosinne” av avisa The Village Voice, tidsskriftet Downbeat skildrar han som “ein av dei mest eventyrlystne og profilerte bandleiarane i jazz”, og Time Out New York har nemnt han som ein av dei “50 største New York-musikarane nokosinne”. Sidan 70-talet har Parker spelt inn over 150 album, og turnert verda rundt. Desse åra har han vore ein verdfull figur på musikkscena i New York og Europa, og me ser fram til å sjå trioen entra scena – denne gongen på Vossa Jazz! 

Medverkande:

William Parker – kontrabass

Ava Mendoza – gitar

Gerald Cleaver – trommer

 

English

William Parker Trio “draws as much from heavy rock and psychedelia as it does from the jazz and blues tradition”, according to All About Jazz. While the trio describes their album “Mayan Space Station” as “a conduit for peace and inspiration”, All About Jazz characterizes the album by one word: Scorched.  

William Parker has been called “the most consistently brilliant free jazz bassist of all time” by the newspaper The Village Voice. He has been touring the world – and has recorded more than 150 albums – since he entered the music scene of New York and Europe during the 70’s. This year, William Parker Trio is embarking on none other than the Vossa Jazz stage!