Saksofonist og komponist Trygve Seim er ein musikar som stadig finn nye veger å utforske, anten det er med små eller store ensemble, som Araimero, Oslo 1300, The Source eller Trygve Seim Ensemble. Mange av vegane han har funne går mot austlege trakter. Han har blant anna hatt eit lengre opphald i Kairo for å studere og spele arabisk musikk, og plata Rumi Songs frå 2016 (som Leonard Cohen visstnok skal ha tatt av seg hatten for, då han høyrde den fyrste gongen), var bygd rundt tekstar av den persiske poeten Jalaladin Rumi.
Men av alle kulturane Seim har lete seg inspirere av, er det Finland han reknar som «sitt andre heimland». Dette har ført til samarbeid med artistar som Edward Vesala, Iro Haarla og Sinikka Langeland, og til fleire opphald i ein komponistleiligheit i Helsinki. Helsinki Songs (ECM, 2018) er den førebels kulminasjonen av Seim si utforsking av landet med dei mange innsjøane og djupe skogane.
«Helsinki Songs er et overbevisende album, med kvalitet i detaljene og varme i formidlingen», skreiv Arild Andersen i ein omtale for Aftenposten. Saman med det framifrå bandet manar Seim fram melankolske stemningar – djupsindige komposisjonar med rom for ettertenksam improvisasjon – «og bakom synger skogene…»
Trygve Seim – saksofonar
Mathias Eick – trompet
Jon Balke– tangentar
Mats Eilertsen – bass
Markku Ounaskari – trommer
English:
Norwegian saxophone player Tryge Seim (Araimero, Oslo 1300, The Source, Trygve Seim Ensemble) has often traveled east in search for musical inspiration: He has studied arabic traditional music in Cairo, and the record «Rumi Songs» (2016) was built around the poetry of Jalaladin Rumi. Of all the cultures he has explored, Finland has had the deepest impact on his music, with collaborations with artists such as Edward Vesala, Iro Haarla og Sinikka Langeland. «Helsinki Songs» (2018) is the culmination of Seim’s musical exploration of the land of a thousand lakes – a profound and compelling record, with powerful contributions by some of Scandinavias leading jazz musicians.
