Lastar Hendingar

Tingingsverket – Hanna Paulsberg «Do you want my job?»

laurdag 23. mars

Kl 18:00

I årets Tingingsverk “Do you want my job?” vil Hanna Paulsberg mana fram ein fiktiv cowboy, og spela fram musikken som følger han.

Verket er inspirert av Paulsberg sitt fyrste musikalske “kick”. Det var då far hennar sette på musikk av Little Village, eit band som spelar “Roots rock” – rockemusikk inspirert av folkemusikk, blues og country – at det heile fall på plass for seks år gamle Hanna. “Jeg kan fortsatt fornemme den eksplosjonen jeg kjente i kroppen fordi det låt så utrolig kult. Jeg har lenge hatt en drøm om å lage musikk som kan funke på saksofon, inspirert av det uttrykket.” fortel Paulsberg. Då ho vart invitert av Vossa Jazz til å levera årets Tingingsverk, var det nett det ho sette i gang med. No gler me oss til å høyra hennar barndoms cowboy ta form i saksofonen.

Paulsberg er ein spanande komponist og musikar, med ei rå styrke og eit forfriskande intitiativ. Ho har motteke ei rekke prisar, og vann mellom anna Spellemannprisen i kategorien jazz i 2021, for albumet “Velkommen håp” med bandet Flukten. Ved sidan av sitt eige prosjekt, Hanna Paulsberg Concept, er ho òg initiativtakar for trioen GURLS. Tidlegare har ho mellom anna spelt saman med Trondheim Jazzorkester, Chick Corea, Bugge Wesseltoft, Karin Krog og Marilyn Mazur.

Med seg til Voss har ho gitarist Viktor Wilhelmsen, som arbeider i spennet mellom nordsamisk joik, ørkenblues og jazz. Bak trommene sit Erik Nylander, som har spelt i ei rekke band i Noreg og Norden, og på bass har ho med seg Dan Peter Sundland, som med sin ekspressive og varierte spelestil blandar den elektriske bassen sine moglegheiter med tonar og kvalitetar inspirert av akustisk bass. Me kan ikkje anna enn å gle oss til å høyra cowboyen frå Paulsbergs barndom finna form i desse instrumenta, under årets Tingingsverk på Vossa Jazz.

Medverkande:

Hanna Paulsberg – saksofon

Viktor Wilhelmsen – gitar

Dan Peter Sundland – bass

Erik Nylander – trommer

David Solheim – lyd

English

In this year’s Tingingsverk (“Main Commissioned Work”) “Do you want my job?” Hanna Paulsberg wants to invoke a fictional cowboy, as well as the music that follows his presence. 

The work is inspired by Paulsberg’s first musical “kick”. When her Father played an album of “Roots rock” by the band Little Village, everything fell into place for six year old Hanna. When she was invited by Vossa Jazz to create this year’s Tingingsverk, she jumped on the chance to fulfill the dream of creating music inspired by the Roots rock, this time lending the sound to her saxophone. 

The award-winning composer and musician has played with Trondheim Jazz Orchestra, Chick Corea, Bugge Wesseltoft, Karin Krog and Marilyn Mazur. She is bringing guitarist Viktor Wilhelmsen, drummer Erik Nylander and bass player Dan Peter Sundland along to Vossa Jazz, making for a Tingingsverk we’re already excited to remember.