Monstera

Monstera er ein energisk sekstett som spelar dansegolvjazz under leiing av trompetist og komponist Ola Lømo Ellingsen. Dei sameiner klubbmusikk, drum’n’bass, improvisasjon og uføreseielege melodiar på kreative måtar. Bandet består av ein gjeng musikarar som for alvor har byrja å markere seg på den norske jazzscena.

I 2023 gav sekstetten ut si sjølvtitulerte debutplate, og i november 2025 kom det andre albumet deira, monstera vol.2, ut på Fjordgata Records.

Monstera bryt ned skiljet mellom jazzklubben og nattklubben og kjem garantert til å få Ungdomshallen til å pulsere.

Ola Lømo Ellingsen – trompet/komposisjonar
Jørgen Bjelkerud – trombone
Amund Stenøien – vibrafon
Anna Ueland – tangentar/synth
Gard Kronborg – bass
Steinar Heide Bø – trommer

Foto: Sigrid Erdal

Denne konserten får du med deg dersom du har festivalpass eller dagspass laurdag.