Lastar Hendingar

Moksha

OBS! Til denne konserten kan du kjøpa enkeltbillett eller billett som òg inkluderer konserten til Petters Festjam feat. John Pål Inderberg (2 i 1: Moksha og Petters Festjam). 

 

Moksha består av Oddrun Lilja Jonsdottir, Tore Flatjord og Sanskriti Shrestha. Saman skapar dei eit distinkt møte mellom jazz, indisk raga, stemningsfull improvisasjon og komplekse rytmar. Jonsdottirs elektriske og akustiske gitar dansar, spring og svevar seg gjennom låtane. Perkusjonen dannar lag på lag i suggerenade, rytmiske mønster. Shresthas vokal spenner frå melodiøs song til vokalperkusjon og tilfører uventa element til komposisjonane.

Musikken inviterer til meditasjon og ettertanke, i eit spel mellom kjensler og intellekt. Albumet The Beauty of an Arbitrary Moment er ein sjølvsikker og inspirert debut som leverer mykje og lovar meir for framtidige utgjevingar.

Moksha har dei siste åra turnert i Noreg, Europa og i Nepal og har samarbeidd med artistar som Ashraf Sharif Khan (Pakistan), Rubin Shrestha (Nepal) og Bugge Wesseltoft (Noreg). I april 2016 ga Moksha ut si kritikarroste debutplate The beauty of an Arbitrary Moment på plateselskapet Jazzland.

«Combining Nordic jazz and Indian Raga, Moksha’s music can veer off into intense realms of expression» – John Ephland, Downbeat Magazine January

Oddrun Lilja Jonsdottir – gitar
Tore Flatjord – perkusjon
Sanskriti Shrestha – perkusjon, vokal