Lastar Hendingar
lux

LUX: Seim og Storløkken med solistar frå Voss kulturskule

laurdag 9. apr kl 15:00

Saksofonist Trygve Seim og Ståle Storløkken på kyrkjeorgel slår seg saman med unge solistar frå Voss kulturskule, under leiing av Ingrid Langen Fjose, for ei storstilt framføring av Andrew Smith sitt Requiem frå 2012, som vart skrive til minne om ofra på Utøya. Musikken er laust basert på den katolske dødsmessa, og tekstane inneheld mange bibelske referansar til born og unge. Konserten tek utgangspunkt i plata LUX frå 2019, der Seim og Storløkken framførte musikken saman med Nidarosdomens jentekor og Trondheimssolistene.

Musikken i Requiem hentar mykje inspirasjon frå gregoriansk song, og ein kan høyra melodiske fragment frå eldgamle rekviemmesser i bakgrunnen. Trygve Seim sin saksofonimprovisasjon gjer det sakrale uttrykket friskt og levande, saman med Ståle Storløkken sine mektige orgeltonar og dei klåre klangane i stemmene til dei unge solistane.

Dette vert ein vakker konsert for folk i alle aldrar.

Trygve Seim – saksofon
Ståle Storløkken – kyrkjeorgel
Solistar frå Voss kulturskule under leiing av Ingrid Langen Fjose

 

English
Saxophone player Trygve Seim and Ståle Storløkken on the curch organ, together with young singers from Voss School of Music and Culture, led by Ingrid Langen Fjose presents Andrew Smith’s Requiem from 2012, a work loosely based on the catholic mass for the dead, written in remembrance of the victims of the terrorist attack on Utøya, 22nd of July 2011.