FolkOrg fyller 100 år, Vossa Jazz vert 50, og dei to jubilantane feirar med eit felles jubileumsband med det klingande navnet «Landslaget for spelemenn» – urframføringa får du på Vossa Jazz!
Konserten har fått navnet «100 år med folkemusikk på 90 minutt» der forfattar og skodespelar Liv Gulbrandsen losar oss gjennom folkemusikksoga, med ein outsiders respektfulle skråblikk, akkompagnert av eit musikalsk stjernelag: Landslaget for spelemenn!
Landslaget består av sju musikarar, og spelar då naturlegvis på tvers av banen. Under leiing av manager og strateg Jørund Fluge Samuelsen stiller dei stort sett i sin faste tretaktsformasjon med Veslemøy Narvesen som anker. Ho vert flankert av Sondre Meisfjord og Ronny Kjøsen, som saman med sweepar Juhani Silvola både går hardt i offensiven på kontringar og bidreg i forsvar når det trengst. I front finn ein trioen Nina Fjeldet, Erik Sollid og Tuva Syvertsen som i samspel og soloraid syter for presise innlegg, virtuost veggspel, svimlande finter og knallharde skot mot mål!
Ein er aldri betre enn innbytarbenken sin, vert det sagt, og lat oss håpa at det er sant: På Vossa Jazz er det Stian Carstensen, Kirsten Bråten Berg, Tore Brunborg og Voss Spelemannslag som prydar benken: Ein gjeng som verkeleg styrker laget i alle ledd!
Landslaget:
Tuva Livsdatter Syvertsen – vokal, feler
Nina Fjeldet – fele, vokal
Erik Sollid – feler, vokal, tenorgitar, mandolin
Juhani Silvola – gitarar
Ronny Kjøsen – trekkspel, trøorgel, piano
Sondre Meisfjord – kontrabass, bass
Veslemøy Narvesen – trommer, perkusjon
Innbytarbenk:
Stian Carstensen, Kirsten Bråten Berg, Tore Brunborg, Voss Spelemannslag
English:
Musically you are in for the biggest folk music treats imaginably with super stars lining the A team of Spelemenn (old Norwegian name for musicians playing traditional instruments such as fiddle, mandolin, accordions) – lyrically you will struggle as comedian and motor mouth Liv Gulbrandsen guides us through this match of stars and their marvellous substitutes. Give it a go?
Denne konserten er eit samarbeid med FolkOrg, Riksscenen og Førdefestivalen.
