I 1996 urframførte stjernetrompetist Nils Petter Molvær Tingingsverket «Labyrinter» på Vossa Jazz, med massive beats, bankande grooves og brennande trompetsoloar! Det strålande verket vart døypt om til «Khmer» og gjeve ut som Molvær si debutplate på ECM året etter. Albumet vart seld i over 250 000 eksemplar over heile verda og styrkte hans posisjon blant dei leiande stemmene i den europeiske jazzrørsla.
Vossa Jazz er stolte over å ha hatt ein finger med i spelet i Molvær si tidlege karriere, og no er me utruleg glade for å få høyra det viktige Tingingsverket ein gong til, som opningskonsert på jubileumsfestivalen!
Saman med ei gruppe fantastiske musikarar byggjer Molvær bru mellom ECM-aktige improviserte lydlandskap og den modige nye verda av trip-hop, drum’n’bass, ambient/illbient, techno, industrial, electronica og samples.
Nils Petter Molvær er kanskje best kjend for samarbeid med dei fleste leiande musikarane i skandinavisk jazz, og med internasjonale stjerner som Elvin Jones, Gary Peacock og George Russell. Med Khmer kombinerer han fridomen til jazzen med rocken sin energi og elektronikasjangeren sine uante, teknologiske moglegheiter.
Medverkande:
Nils Petter Molvær – trompet
Eivind Aarset – gitar
Jan Bang – live sampling
DJ Strangefruit – platespelarar
Audun Erlien – bass
Rune Arnesen – trommer
Per Lindvall – trommer
Sven Persson – lyddesign
Tord Knudsen – lysdesign
Cecilie Løveid opnar festivalen i forkant av konserten.
Løveid debuterte med romanen «Most» i 1972, og året etter var ho ein av lyrikarane som var med på den aller fyrste Vossa Jazz-festivalen! Me gler oss til å høyra korleis ein forfattar av dette kaliberet sparkar i gang den 50. festivalen.
English:
In 1996 the great trumpeter Nils Petter Molvær premiered what was to become one of his most beloved works – Khmer. As this year´s commissioned work it was first called Labyrinths, with massive beats, banging grooves and searing solos. After recording it was released as Molvær´s debut album at ECM the year after and went on to sell over 250 000 copies worldwide and helped position him as one of the leading voices in European jazz… We are proud to have played a part in Molvær´s early career and so happy to be able to get to experience Labyrinths live once more in Voss!
