Lastar Hendingar
Foto Camilla Winther
Foto Camilla Winther

Brunborg & Øyunn: Togetherness

sundag 10. apr kl 13:30

Far Tore og dotter Siv med splitter nytt prosjekt! Saman med to av sine absolutte yndlingsmusikarar – Nikolai Hængsle og Bugge Wesseltoft – framfører dei ny, spesialskriven musikk bygd på eit fundament av venskap, slektskap og samspel.

I ei verd prega av polarisering og konflikt har musikken ei viktig rolle å spele. Togetherness handlar om å groove saman, og er ein motgift mot svart-kvitt-tenking. Dei fire strålande musikarane lovar ein konsert prega av overskot, speleglede, store kjensler, medrivande melodiar og overveldande soloar!

Trommeslagar Siv Øyunn Kjenstad har blant anna spelt med band som Efterklang, Bugge Wesseltoft’s New Conception of Jazz, Agnes Obel, Frode Haltli Avant Folk og Band of Gold, i tillegg til soloprosjektet Øyunn og ulike prosjekt knytt til teater og film. Far Tore treng knappast introduksjon for vossingar: Stjernesaksofonisten debuterte på Vossa Jazz 1980, og sidan den gong har han sett sitt preg på den norske jazzscena gjennom eit utal fantastiske utgjevingar, konsertar, samarbeidsprosjekt og som bandmedlem. Dei som har vore på festivalen dei siste åra har blant anna høyrt han med HILDO og «Ti på taket» med Irene Tillung.

Tore Brunborg – saksofon
Øyunn – trommer
Bugge Wesseltoft – tangentar
Nikolai Hængsle – bass

 

English
Father and daughter, Tore and Siv, with a new project built on a foundation of friendship, kinship and interplay. Together with two of their favourite musicians – Nikolai Hængsle and Bugge Wesseltoft – they aim to make an antidote for the polarization and conflict seen in the world today. Togetherness is all about grooving together, finding joy and resolution through music!