Lastar Hendingar

Bergen Big Band med Shannon Mowday – «Colourful Houses»

sundag 24. mars

Kl 18:00

Shannon Mowday er eit fyrverkeri av ein musikar, og vil saman med det alltid vitale Bergen Big Band stå for ei kraftsalve utan like. Mowday sitt verk for BBB har fått tittelen “Colourful Houses”, og trekk trådar frå dei fargerike husa på Bryggen i Bergen, til det minst like fargesprakande området Bo-Kaap i Cape Town, der ho sjølv vaks opp. Begge stadane har vore viktige handelshamner, kor både musikken og kulturen har vorte forma av dei mange inntrykka og innflytelsane handelskulturen har ført med seg.

Sørafrikanske Mowday er inspirert av musikarane som vart verande i landet under apartheid. Den sørafrikanske jazzen, særleg Cape-jazzen frå Bo-Kaap-området, foreinar eit mangfald av musikk og kulturar, med innflytelsar frå Europa, Islam og urfolket Khoisan. Mowday vaks opp i denne smeltedigelen, og ber med seg det pulserande hjartet frå musikken ho vaks opp med, når ho skaper sin eigen musikk. I 2023 fekk Mowday Ungjazzprisen for å ha leia Akershus og Oslo Ungdomsjazzorkester (AOJO), og når ho spelar med Bergen Big Band på Vossa Jazz ser me fram til ei oppvising i innleving og kraft. 

Bergen Big Band er ein pådrivar for nyskapande musikk, og har teke iniativ til ei rekke nykomponerte verk dei siste 30 åra. Dei har framført tingingsverk på både Vossa Jazz og Nattjazz, med mellom andre Lars Jansson, Knut Kristiansen, Andy Sheppard og Marius Neset. 

Til Vossa Jazz har Mowday med seg perkusjonist Sidiki Camara og trombonist Jørgen Bjelkerud, som begge har samarbeidd med Mowday tidlegare, og som er klare for å vera med på å løfta “Colourful Houses” til nye høgder! 

Medverkande

Shannon Mowday – altsax, barytonsaksofon, kontraaltklarinett, komposisjonar

Trompet:

Hans Marius Andersen

Svein Henrik Giske

Are Ovesen

Børge Styve

Trombone:

Håvard Sannes

Jørgen Bjelkerud

Pål Roseth

Tore Bryne Berg

Sax:

Michael Barnes

Heidi Kvelvane

Elisabeth Lid Trøen

Morten Norheim

Thomas Nøkling

Komp:

Dag Arnesen – piano

Ole Andre Farstad – gitar

Ivar Kolve – vibrafon

Toivo Fjose – bass

Sidiki Camara – ngoni, balafon, djembe, afrikans perkusjon

Øyvind Skarbø – trommer

 

English

Shannon Mowday and the always vitalic Bergen Big Band has prepared no less than musical fireworks. The work “Colourful Houses” draws the line between two trading ports, from the colourful houses at Bryggen in Bergen, to the more than radiant Bo-Kaap-area in the South African city of Cape Town. As a result of this trade route, South African Jazz, especially “Cape Jazz”, unites an array of music and cultures with influences from other parts of Africa, Europe, South East Asia, America and the local indigenous people. Mowday, who grew up in Cape Town,  is especially inspired by the musicians who stayed in the country during Apartheid. Together with her Nordic influences, she carries the beating heart of the music she grew up with into her own music. 

Bergen Big Band spearheads innovative music as always, and has initiated a range of new compositions in the last 30 years. They’ve performed commissioned works at both Vossa Jazz and Nattjazz, in company with musicians like Lars Jansson, Knut Kristiansen, Andy Sheppard, and Marius Neset. Now, along with Mowday, percussionist Sidiki Camara and trombone player Jørgen Bjelkerud, they are ready to lift “Colourful Houses” to new heights!