Astrologisk institutt

Er du nyfiken på universet? Det er Astrologisk institutt også! Sju unge talent presenterer drøymande, kompleks og ukompleks musikk, dyrka fram på Griegakademiet si jazzlinje i Bergen, i forsøk på å skildre det ubeskrivelege.

Astrologisk institutt inviterer til ein konsert inspirert av stjerneteikn, horoskop og andre vitskaplege og beviselege fenomen.

I tillegg til gratiskonsert på Jazzklubben (Park hotell) klokka 12:00 laurdag, vil du sjå dei i bygda i ulike pop up-format heile dagen, samt på jam utover natta i Ungdomshallen.

Dette er jazzframtida vår – du såg dei her fyrst!

Hanna Hærum – vokal
Lea Hareide Jønnum – vokal
Arin Gran – gitar
Mathias Eidesund – gitar
Ask Viste – kontrabass
Jakob Bakkevoll – kontrabass
Darian Leergaard – trommer

Denne konserten er gratis og open for alle.

Foto: Selma Aurelia Holth