Air Play er tufta på eit gamalt musikalsk samarbeid som ikkje kunne anna enn å gjenoppstå! No gjestar dei Vossajazz med splitter ny musikk, kor kvar enkelt medlem si sterke karriere innan jazz, impro- og samtidsmusikk, får koma til sin rett.
Musikarane spelte saman i Fair Play i ti år, frå 1982 til 1992, då med Trond Kopperud på trommer. Etter at Kopperud gjekk bort i 2021, starta dei tidlegare medlemma i Fair Play det nye bandet Air Play i 2022, som ei hyllest til han. Bandmedlemma i Air Play har komponert ny musikk bygd på deira felles arv, men har likevel heldt av plass til kvarandre sine unike musikalske kvalitetar, intensjonar og uttrykk.
Med Vigleik Storaas som speler piano så det nesten ikkje er til å tru, Tor Yttredal sitt fjørlette saksofonspel, Johannes Eick som fyller rommet med sin djupe bass, og Elin Rosseland sin vare vokal som bind det heile saman, kan me lova ei sterk musikalsk oppleving.
Som dei sjølv seier: Air Play er fellesskap, samspel, improvisasjon, klang og magi i melodi – i felles rytmikk og uttrykk. Det er berre å gle seg.
Medverkande:
Elin Rosseland – vokal, tekst, komponist
Vigleik Storaas – piano, komponist
Tor Yttredal – saksofon, komponist
Johannes Eick – bass, komponist
Air Play, the resurrection of a 30 year old musical cooperation called Fair Play, is coming to Vossajazz with brand new music. While building upon their common musical history, they have also made room for each of their individual musical qualities, intentions and expressions.
Vigleik Storaas, Tor Ytterdal, Johannes Eick, Elin Rosseland and Trond Kopperud played together in Fair Play for ten years. After Kopperud passed away in 2021, the remaining members of Fair Play created Air Play in 2022, as an hommage to their friend and colleague.
